Директорот на Канцеларијата за Косово, Петар Петковиќ, денеска изјави дека премиерот на Приштина, Албин Курти, со објавување списоци на луѓе чија единствена вина е што не се согласуваат на насилство и понижување од „приштинските фалангисти“, го прави истото како и сите фашисти во историјата кои настојувале да ги криминализираат и обезчовечуваат своите жртви.
„Заканите и таргетирањето на Курти на луѓе се нескриен терор и се најава за тотална ескалација, која, се надеваме, никој одговорен во меѓународната заедница не ја сака и не ја поддржува“, наведува Петковиќ, стои во соопштението на Канцеларијата.
Како што рече, Курти можел да стави кој било Србин или Србинка од северот на Косово на својот список, бидејќи српскиот народ во четирите општини северно од Ибар е обединет во отпорот на неговото владеење на теророт.