Фудбалерите на Тотенхем нема со задоволство да го паметат крајот на оваа година, откако беа елиминирани од Лигата на конференциите на „зелена маса“, а зад себе имаат неколку одложени натпревари поради проблеми со коронавирусот.
Менаџерот Антонио Конте не е воодушевен од односот во Премиер лигата кон моменталната епидемиолошка состојба во земјите, но овој Божиќ е можност да му се остварат некои желби за следната година.
Буџет
На прво место е буџетот пред претстојниот зимски преоден рок, на кој Конте инсистираше кога дојде во Тотенхем. Неизбежно е во текот на јануари да има одредени промени во составот на „петлите“. Се споменуваа Адам Траоре од Вулверхемптон и Мекена од Јувентус, а најблиску до заминување се Бергвајн, Винкс, Родон и Кларк.
Лорис
На второ место секако е расчистувањето на ситуацијата во врска со капитенот и долгогодишен голман Иго Лорис, чиј договор истекува на крајот од сезоната, а прашањето за останувањето на Французинот во Лондон е едно од најитните. Репрезентативецот на Франција утре полни 35 години, но и покрај тоа, Тотенхем тешко може да најде достојна алтернатива за голман со лидерски способности каков што е Лорис.
Кејн
Резултатите на Тотенхем до крајот на сезоната ќе зависат и од расположението на првиот напаѓач Хари Кејн, кој не се истакна во досегашниот дел од шампионатот.
Ромеро
Конте сака и Кристијано Ромеро да се врати во формата која го красеше пред повредата минатиот месец, а несомнено е дека опоравувањето на аргентинскиот дефанзивец би било големо засилување за Тотенхем во наредната година.
Победи во лондонските дерби дуели
Италијанецот следната година сака да го подобри билансот во градските дерби, откако во претходните два месеци немаше многу причини за задоволство. Утре играат против Кристал Палас, што е можност да предложат подобри денови во пресметките против лондонските екипи.