Извршниот директор на „Pfizer“, Алберт Бурла, рече дека постои „добра шанса“ тимот што го тестирал нивниот кандидат за вакцината против „Ковид-19“ да знае дали ќе функционира до крајот на октомври.
„Во најдобар случај, имаме прилично добра шанса, повеќе од 60 проценти, да видиме дали производот функционира или не за нешто повеќе од еден месец“, рече тој за „CBS“.
На прашањето дали луѓето ќе чекаат до 2021 година за навистина да ја добијат вакцината, Бурла рече дека не знае колку време ќе биде потребно регулаторите да ја одобрат вакцината. Тие се оние што ја издаваат дозволата или не, од нив зависи, посочи тој.
Компанијата „Pfizer“ започна со производство на вакцината, веќе се направени стотици илјади дози, пренесува Си-Ен-Ен.
Бурла рече дека дистрибуцијата на вакцината ќе биде проблем. Постапката за лекови е сложена, особено кога им се потребни посебни услови за чување. Но, тој додаде дека „Pfizer“ веќе многу добро знае како да го направи тоа.
Што се однесува до приоритетите, Бурла рече дека властите треба да одлучат кој прв ќе ја прими вакцината или, на пример, американскиот центар за контрола и превенција на болести.