Пијанистката Мимоза Ќека ја освои првата награда на Меѓународниот натпревар на пијанисти ,,Акордеон Арт плус’’ во Сараево, Босна и Херцеговина.
Таа е лауреат во осмата категорија по пијано на фестивалот во чии рамки се одржаа 9. Интернационален фестивал по хармоника и Првиот меѓународен натпревар на пијанисти од 15 до 18 мај.
На фестивалот учествуваа повеќе од 350 музичари како и професори – предавачи од Германија, Франција, Србија, Хрватска, Русија, Швајцарија, Италија, Украина, Македонија, Словенија, Словачка, Босна и Херцеговина.
Мимоза Ќека (1994) започнува да учи пијано на петгодишна возраст. Основното и средното музичко образование завршува во ДМБУЦ „Илија Николовски Луј’’, а 2015 година дипломира на Факултетот за музичка уметност во Скопје, на одделот по пијано, во класата на проф. м-р Тодор Светиев. Член е на Сојузот на музички уметници на Македонија. Во 2017 година магистрира на одделот по музичка интерпретација – пијано под менторство на маестро Лилија Зилберштајн.
Настапува со соло – рецитали на музички настани, натпревари и фестивали во земјата, но и во странство./МИА