Европската агенција за лекови (ЕМА) денеска објави дека започнала со проценка на пилулата за коронавирус произведена од Фајзер за да се види дали може да се користи во итни случаи пред да биде официјално одобрена.
ЕМА во соопштението рече дека ги разгледува податоците за ефикасноста на антивирусните пилули на Фајзер кога им се дава на луѓето заразени со Ковид-19 кои сè уште не се хоспитализирани, објави АП.
Раните резултати сугерираат дека пилулата Фајзер го намалува ризикот од хоспитализација или смрт, во споредба со луѓето кои примиле лажна пилула, кога биле третирани три до пет дена од развојот на симптомите на Ковид-19, соопшти агенцијата.
Иако посеопфатна евалуација најверојатно ќе започне наскоро, тековната евалуација ќе обезбеди препораки низ ЕУ што е можно поскоро за употреба од страна на националните власти кои сакаат да донесат одлуки засновани на докази за раната употреба на лекот, рекоа од агенцијата.
Фајзер претходно овој месец изјави дека неговата пилула го намалила ризикот од хоспитализација или смрт до 90 отсто.