Андреа Пирло е почетник на тренерската позиција, а неговата прва тренерска работа ја добил во тимот на Јувентус.
Тој требало да го предводи тимот на Јувентус до 23 години оваа сезона, но откако Маурицио Сари беше отпуштен на почетокот на август, Пирло беше назначен за нов тренер на италијанскиот шампион.
Пирло призна дека не чувствува психолошки притисок пред неговиот деби натпревар како тренер во Лигата на шампионите против Динамо Киев.
„Јас сум секогаш смирен. Не може да има напнатост – повеќе не играм. Нека оваа напнатост се пренесе кај играчите кои влегуваат на теренот. Првиот натпревар во Лигата на шампионите е најважен. Затоа, многу е важно да се победи. Размислуваме само за ова“, изјавил Пирло.
Тој исто така признла дека му е благодарен на тренерот на украинскиот тим, Мирчеа Луческу.
„Мирчеа Луческу е мојот прв тренер кој ме донесе во фудбалот на возрасните на возраст од 15-16 години. Имам многу спомени од него. Јас секогаш ќе му бидам благодарен и ќе му кажам за тоа. Се надеваме дека ќе имаме можност да разговараме, нагласи Пирло.
Средбата Динамо Киев – Јувентус се игра вечер со почеток во 18.55 часот на „Олимпискиот стадион“ во Киев.