Овошна крцкава пита во која ќе уживате.
Состојки:
– 6 листови готови кори за пита (средни, не тенки)
– 400 гр шумско овошје
– 1 чаша (2dcl) шеќер
– 2 јајца
– 1/2 чаша гриз
1/2 чаша масло
– 1/2 чаша јогурт
– малку сода бикарбона
– шеќер во прав
Подготовка:
Одмрзнете го овошјето.
Со миксер се матат јајцата, шеќерот, гризот, јогуртот, маслото и малку сода бикарбона.
Се земаат три кори, на секоја се премачкува од филот (околу пет лажици), а на последната на едниот крај се распоредува овошјето и се витка.
Направете го истото и со преостанатите три кори.
Намачкајте ја тавата и питата со малку масло, ставете ја во рерна на 220 степени првите 10-15 минути, а потоа намалете ја температурата на 190 степени и печете уште 15 минути.
Извадете и премачкајте со многу малку вода и масло и оставете да се излади.
Питата не треба да се покрива за кората да остане крцкава.
По желба посипете ја питата со шеќер во прав.