Хрватскиот премиер, Андреј Пленковиќ вели дека со нетрпение ги очекува разговорите со македонскиот државен врв и порача дека двата народи – македонскиот и хрватскиот се два пријателски народи и дека двете земји се пријателски.
Тој се осврна и заедничката солидарност кон Украина, за која рече дека ќе продолжи и во иднина.
-Ова е одличен почеток на разговори во Владата, додаде Пленковиќ.
Запрашан како ги коментира предлозите на македонската опозиција за устав по хрватски терк, хрватскиот премиер вели:
-Тоа би го оставил на партиите и институциите на Македонија. Тоа е единствен начин да се донесат стратетигиски одлуки кои што се важни. Она што го сметам за добро е да се постигне консензусот зад кој ќе застанат сите-и народот и нивните претставници во власта. По мое тоа мора да биде кое ќе ги елиминира неправдите кон С. Македонија и ќе ги намали фрустрациите. Ако има некој кој ве разбира, тоа сме ние. Знаеме дека одлуките што ги донесовте не беа лесни и едноставни, но испадна дека секогаш постои уште еден предуслов. Ако Украина доби кандидатски статус или Грузија или Молдавија, ако Црна Гора или Србија преговараат, сега е моментот во тој контекст и С. Македонија да се вклучи на начин со кој што ќе се зголеми динамиката на пристапниот процес, рече Пленковиќ.
Тој додаде дека „со влегувањето во ЕУ, Македонија како народ и земја ќе го заштити својот идентитет“.