Турската новинска агенција Анадолија веќе известува дека стотици илјади луѓе почнале да се движат кон медицинскиот комплекс Ал Шифа во градот Газа, по веста за наредбата за евакуација.
Цивилите во Газа се збунети и преплашени, стравувајќи дека нема да можат да го избегнат она што би било најголемото раселување во последните децении, во енклавата која зафаќа само 365 квадратни километри, а околу 1,1 милион луѓе живеат во нејзиниот северен појас.
Медицинскиот комплекс Ал Шифа е најголемиот во Газа, тој е центар на медицинската инфраструктура на градот Газа, кој често даваше засолниште за цивилите во градот за време на напади или во време на криза. Таму веќе се засолниле илјадници луѓе, а болницата претрпе штети од воздушните напади во последните денови.
Докторот Гасан Абу-Ситах во болницата Шифа вчера изјавил: „Ние сме во точка на кршење. По ходниците има ранети, а нема кревети. Блискиот бегалски камп е погоден, а сите болници се надвор од капацитетот“.