Ламборџини тргна по пат на електрификација што наметнува нови правила на игра. Првиот човек на таа марка, Стефан Винкелман неодамна изјави дека славниот производител нема толку лесно да се откаже од класичните мотори со внатрешно согорување и дека тие мора да останат во понуда што е можно подолго.
– Луѓето сакаат автомобили со високи перформанси кои имаат термички генератори. Тоа е факт! – истакна Винкелман.
Ламборџини во иднина ќе има четири модели во своето портфолио. Двајца ќе бидат наследници на Авентадор и Хуракан и ќе бидат наменети за оние што бараат врвни перформанси, како и уште две што треба да ја играат улогата на возила што можат да се користат секојдневно, додаде тој.
Првото електрично Ламборџини ќе пристигне во втората половина на деценијата, но останува прашањето – во каква форма? Винкелман не одговори конкретно, но тој потврди дека ќе има конфигурација на седишта 2 + 2, односно дека ќе може да прими четворица патници, како и сегашниот бестселер Урус (чија 15.000-та копија беше неодамна произведена).
Изјавата веднаш ги отвори вратите за гласините дека Ламборџини конечно може да понуди лимузина на пазарот. Ова не е првпат да се дискутира за ваков модел, за што и самиот Ламборџини даде многу причини во 2008 година кога го претстави концептот – Есток на салонот во Париз.
Станува збор за прототип на супер лимузина со 5,2-литарски V10 мотор, со потекло од легендарниот Гаљардо. Сепак, Винкелман ја отфрли можноста за производство на овој модел, нагласувајќи дека тоа е само концепт и ништо повеќе. Тој додаде дека автомобилот е показател дека клиентите на Ламборџини се заинтересирани за нешто друго освен за суперавтомобил.