Откако во мај потврдија дека натпреварувањето ќе се одржи и во Канада, Евровизија сега доаѓа и во Латинска Америка.
Според Европската радиодифузна унија (ЕБУ), Изборот за песна на Евровизија во 2022 година генерира голем број прегледи на содржини во Латинска Америка, а земјите како Аргентина, Бразил, Чиле и Мексико се меѓу пазарите со најдобар учинок за нациите кои не учествуваат.
Сега продуцентите ќе ја започнат потрагата по град домаќин на Евровизија во Латинска Америка – меѓу најуспешните пазари во Латинска Америка во наредните месеци.
-По започнувањето на американскиот натпревар за песна на Евровизија и со плановите за Евросонг во Канада следната година, Европската радиодифузна унија е воодушевена што сега работи со „Vocovation“ за да ја донесе возбудата и магијата на натпреварот за песна на Евровизија во Латинска Америка, се вели во соопштението на извршниот супервизор на изборот за песна на Евровизија, Мартин Остердал.
-Уникатниот формат на Евровизија секоја година наоѓа нови фанови ширум светот и едвај чекаме да го прошириме брендот во овој исклучително разновиден дел од светот, додаде тој.
Изборот за песна на Евровизија Латинска Америка ќе биде продуциран од „Vocovation“, продуцент кои стојат зад американското натпреварување за песна и натпреварување за песна на Евровизија во Канада.
„Фановите ширум Латинска Америка постојано се појавуваа и се покажаа идеални за брендот за песна на Евровизија, а Латинска Америка ја отелотворува таа огнена страст, како и продолжување на широката визија што ние, продукцискиот тим, ја имаме за Евровизија како глобален бренд“, додале Питер Сетман и Грег Липстон, од продуцентскиот тим на „Vocovation“.
¡YO DIGO EURO, TU DICES VISION!
EUROVISION, EUROVISION! 📣🔥 Eurovision Song Contest Latin America is on the way: https://t.co/VZohYHAfPI pic.twitter.com/izGyJCHLFe
— Eurovision Song Contest (@Eurovision) July 12, 2022
Сè уште нема информации за тоа како ќе функционира форматот на натпреварување во Латинска Америка, вклучително и како ќе се одвива гласањето и дали шоуто ќе се емитува на шпански и/или португалски во Бразил, но деталите ќе се разработуваат како што ќе се развива шоуто.