Менаџерот на Ливерпул, Арне Слот, изјави дека е горд на целиот тим и додаде дека тимот од „Енфилд“ заслужено ја освоил титулата во Премиер лигата. Фудбалерите на Ливерпул ја обезбедија титулата во англиската Премиер лига откако го победија Тотенхем со 5-1 на домашен терен во натпревар од 34-тото коло на англиската Премиер лига.
„Се чувствувам одлично. Сакам да му се заблагодарам на Јирген Клоп“, рече Слот, кој го замени Германецот на кормилото на Ливерпул минатата година.
„Беше јасно дека не можеме да го изгубиме овој натпревар. Сите во автобусот велеа дека ќе победиме. Неверојатно сум горд не само на играчите, туку и на спортските директори, членовите на мојот тренерски штаб, сите тие заслужуваат стоечки овации“, продолжи холандскиот стручњак.
Ливерпул ја освои 20-тата титула во клупската историја
„Да заборавиме дека ова е втор пат во 35 години и да кажеме дека е втор пат во последните пет години во кој славиме со трофејот“, рече Слот.