По враќањето на Зинедин Зидан на чело на Реал Мадрид, интересот на „кралскиот“ клуб кон
најскапиот фудбалер во светот и ѕвезда на ПСЖ, Нејмар исчезнал, тврди „Ас“.
Според блиското до клубот издание, бразилскиот стрелец не бил вклучен во приоритетните
планови на францускиот стратег. Така Зизу практично го откажа претседателот Флорентино Перез
во обидот да го привлече поранешниот напаѓач на Барселона за преголема сума.
Желбата на ПСЖ е да го задржи Нејмар, но изгледа ќе им биде потешко да го направат тоа со друга
од ѕвездите во нападот – Килијан Мбапе, на кого Зидан гледа со поголем интерес.
„Нема да зборувам за фудбалери кои сега не играат со нас. Би сакал да го тренирам Мбапе, како и
сите добри играчи. Секој тренер би сакал да има добри играчи“, изјави Зидан пред мечот дома
против Селта денеска од 16:15 часот по македонско време.