Победниците на Евровизија следниот викенд ќе настапат во Хрватска

Украинската група „Калуш оркестар“ ќе настапи на фестивалот „Sea star“ во Умаг, Хрватска.

Групата привлече големо внимание по триумфот во Торино, а нивната песна „Стефанија“ е една од најслушаните на сите музички платформи.

По победата, тие веднаш се упатија назад во воена Украина.

Сепак, еќе имаат закажано некои настапи, а еден ќе се одржи во Хрватска.

Фестивалот „Sea Star“ ќе се одржи во Умаг на 27 и 28 мај.

Покрај украинскиот бенд, во Умаг ќе настапи и српската претставничка на Евровизија, Констракта, што сигурно ќе ги воодушеви сите евровизиски фанови во Хрватска.

Победниците на Евровизија беа пречекани во Украина од обожаватели и војници, па сите ја испеаја песната која победи на најголемиот музички натпревар во Европа.