Почина девојчето кое беше повредено при земјотресот во Загреб

Петнаесетгодишното девојче кое беше тешко повредено во земјотресот што вчера го погоди Загреб, почина денеска, изјави директорот на Клиниката за детски болести во „Клаичева“, Горан Роиќ.

И покрај сите напори на лекарите да го спасат, не успеале и попладнево девојчето им подлегнало на повредите.

Земјотрес со магнитуда од 5,3 степени , според Рихтеровата скала, вчера утрото го погоди главниот град на Хрватска, Загреб, а по него следеа неколку последователни удари кои предизвикаа штети на зградите. Досега пријавени се 5.500 оштетени објекти.