Најстариот мажјак горила во светот и третата најстара единка од овој вид почина денеска на 61-годишна возраст.
Причината за смртта на Ози се уште не е позната, но ветеринарите рекле дека во последно време има слаб апетит, имал оток на лицето и општа слабост.
– Ова е голема загуба за нас. Иако знаевме дека тоа ќе се случи еден ден, тоа не не спречува да чувствуваме голема тага поради неговата загуба, изјави Рејмонд Кинг, директор на Зоолошката градина.
Тој додаде дека Ози оставил неизбришлива трага на многу генерации, како и голем придонес во науката за запознавање на овој вид.
Ози влезе во историјата во 2009 година кога стана првата горила која учествуваше во доброволно мерење на крвниот притисок.
Една група горили, вклучително и Ози, беше позитивна на корона вирусот минатата година, а раководството рече дека тој имал благи симптоми во таа прилика.
Фото: Zoo Atlanta/MEGA/The Mega Agency / Profimedia