Почнува 53. издание на ракометниот турнир во Струга

Во Струга денеска ќе почне 53. издание на традиционалниот ракометен турнир.

На него, за жал, нема да се натпреварува минатогодишниот победник, тимот на „Пелистер“, а отсутни ќе бидат и екипите на „Вардар“ и „Алкалоид“.

На турнирот ќе учествуваат шест екипи, од кои четири се од Македонија – покрај домаќинот „Струга“ тука се и „Охрид“, „Тиквеш“ и „Бутел“. Меѓународните учесници оваа година се „Бурса“ од Турција и „Раднички Крагујевац“ од Србија.

Турнирот ќе стартува со езерското дерби меѓу Струга и Охрид од 18:30, по што ќе се случи свеченото отворање.

Денешниот ден ќе биде затворен со мечот меѓу Бутел и Раднички.

Турнирот завршува в сабота, со финалето што ќе се игра со почеток во 20:45 часот.