Подољак: Русија мора да биде лишена од пристап до ресурси, Путин е „хиперфиксиран“ за војната

Советникот на началникот на кабинетот на украинскиот претседател, Михајло Подољак, денес изјави дека Русија мора да биде лишена од пристап до ресурси и од можноста за продажба на нафта за да се принуди да ја заврши војната, истакнувајќи дека рускиот претседател Владимир Путин е „хиперфиксиран“ за војната.

„Путин е како секој примитивен и предвидлив авторитарен човек. Секоја негова мисла е за тоа колку повеќе луѓе ќе убие, кого ќе зароби, кого ќе депортира. Путин е хиперфиксиран за војната како единствен извор на конкурентност“, рече Подољак, пренесува РБК Украина.

Тој додаде дека предлозите за преговори со рускиот лидер се „апсурдни“.