Погба: И Ибрахимовиќ да ми се јави, нема да одам во Милан

Играчот од средниот ред на Јувентус, Пол Погба ја отфрли можноста да се пресели во Милан и изјави дека има амбиција да ја обнови кариерата во торинскиот гигант.

„Дали ќе се приклучам на Милан? Невозможно. Ибрахимовиќ дури и да ме повика, знае дека нема да се откажам од Јувентус. Не се гледам себеси во друг дрес. Фокусиран сум на враќање во Јувентус”, изјави Погба, цитиран од Sky Sports.

Претходно беше објавено дека забраната за допинг на 31-годишниот Погба е намалена од 4 години на 18 месеци по потврдената жалба пред CAS и тој ќе може да се врати во професионалниот фудбал во март 2025 година.