По официјалното соопштение за заминувањето на Пол Погба од Јувентус, поранешниот француски репрезентативец им се заблагодари на клубот од Серија А и на навивачите за поддршката. Светскиот шампион заминува како слободен играч откако се согласи да го раскине договорот со заедничка согласност на крајот на месецот
„Моето време во Јувентус заврши. Беше привилегија да го носам дресот на „бјанконерите“ и да споделиме толку многу посебни моменти заедно“, се вели во изјавата на напаѓачот.
„Ги негувам спомените што ги создадовме. Тие продолжуваат да живеат во мојот ум. Дури и во најтешките моменти изминатава година, вашата поддршка беше клучна и сакам да им се заблагодарам на навивачите на Јувентус ширум светот за нивното сочувство“, додаде тој.
Погба е суспендиран од септември 2023 година поради позитивен допинг тест, но неговата првобитна четиригодишна суспензија беше намалена на 18 месеци, што значи дека играчот може да ја продолжи кариерата следниот март, кога ќе наполни 32 години.