Францускиот играч за врска Пол Погба откри дека добил понуди за големи пари од руски клубови, но тие воопшто не го интересираат.
„Искрено, веќе има понуди. Некои интересни, други не толку. Како пример, можам да кажам дека постои опција да одам да играм во Русија. Ова не е мојата цел. Сакам да бидам во најдобрите клубови кои играат во Лигата на шампионите“, изјави Погба во интервју за каналот „Aminematue Twitch“.
Французинот моментално отслужува казна поради кршење на антидопинг правилата. Во февруари 2024-та, Погба беше суспендиран на четири години; Неговиот допинг тест, направен во август 2023 година, покажал превисоко ниво на тестостерон. Во октомври 2024-та, CAS му го намали периодот на дисквалификација на 18 месеци. Тој ќе може да се врати на терените во март.
На 1 декември, 31-годишниот фудбалер стана слободен играч откако Јувентус го раскина неговиот договор.