188
Пол Погба, кој по втор пат потпишува со Јувентус, им се обрати на симпатизерите на клубот. Францускиот играч за врска дојде од Манчестер Јунајтед како слободен играч.
„Здраво, Бјанконери. Како што можете да видите, се вратив и сум многу среќен. Едвај чекам да започнеме и повторно да освојуваме трофеи заедно. Сите заедно ќе бидеме таму – на теренот и на трибините. Форца Јуве до крај!“ се огласи Светскиот шампион за 2018 година.
Претходниот престој на Французинот во Јуве беше исклучително успешен. Во четири сезони – од 2012 до 2016 година, Погба освои четири последователни шампионски титули.
Сега ќе го носи дресот со број 10.