Маурисио Покетино зборуваше за „многу добрите односи“ што ги има со претседателот на Тотенхем, Даниел Леви и ја потврди својата желба еден ден повторно да раководи со клубот од северен Лондон. 53-годишниот Аргентинец, кој моментално е селектор на машката репрезентација на САД, беше на чело на Спарс пет и пол години пред да добие отказ во ноември 2019 година.
Тој го водеше клубот до четири последователни пласмани во топ-4 во Премиер лигата и беше вклучен во трката за титулата во сезоните 2015-16 и 2016-17, како и ги водеше Спарс до финалето на Лигата на шампионите во 2019 година. Тој со задоволство би ја презел оваа улога уште еднаш во иднина.
„Кога го напуштив клубот, се сеќавам дека во едно интервју кажав дека би сакал еден ден да се вратам во Тотенхем и тоа, се разбира, е така… Сега сум во САД, нема да кажам не, нема да зборувам за тоа“. Тоа што го кажав, по шест-пет години, сè уште го чувствувам во срцето дека, да, би сакал да се вратам еден ден“, изјави Покетино во интервју за „Скај Спортс“.
Тој и Даниел Леви одлично се разделиле и, како што вели, „ќе видиме што ќе донесе времето“,
Тотенхем, сега во својата втора сезона под водство на Анџелос Постекоглу, издржа тешка кампања, откако беше елиминиран од ФА Купот и Лига купот на почетокот на февруари и се наоѓа на 14-тото место во поредокот, собирајќи само 34 поени од 29 натпревари.
Последната надеж за почести им е во Лигата на Европа, каде следниот месец во четвртфиналето ќе се соочат со Ајнтрахт Франкфурт.