Полиција запре Опел по полноќ на патот кај Тетово, кај 19-годишна девојка од Гостивар пронајден пиштол во возилото

Полицијата од СВР Тетово лиши од слобода 19-годишна жена од Гостивар откако кај неа беше пронајден пиштол „Smith & Wesson“ со шест куршуми. Инцидентот се случил на регионалниот пат Тетово – село Желино, откако полицијата го запрела возилото „Opel Corsa“ со гостиварски таблички рано наутро, на 1 јуни 2025 година околу 01:15 часот. Жената е задржана во полициска станица, а против неа ќе биде поднесена пријава според член 396 од Кривичниот законик на Република Северна Македонија. Истрагата е во тек.