Лондонската полиција го испитува терористичкиот напад во британската престолнина од саботата вечерта,  и објави дека го  знае идентитетот на тројцата напаѓачи , кои убија 7 лица и ранија 48 луѓе.

Нивните имиња требало да бидат објавени “што е можно побрзо”, откако оперативната околина  тоа го дозволи.

Минибус  во саботата удри пешаци на Лондон бриџ во 23:58 часот , по што  тројцата терористи со нож бодеа   голем број луѓе во кој се наоѓа во близина на пазарот во центарот на британската престолнина, каде има бројни институции. Осум минути по поднесувањето на сигналот полицијата  ги застрела терористите.

Терористичката група ДАЕШ ( “Исламска држава”)  веднаш ја презеде одговорноста за нападот.

Во рамки на истрагата на нападот во Лондон британската полиција настојува да ја утврди неговата позадина, како и дали екстремистите имале нечија поддршка, изјави Кресида Дик, началник на лондонската полиција.

– Голем приоритет за нас е очигледно да се обидеме да откриеме дали соработувале со уште некого, дали уште некој е вмешан во планирањето на овој напад и да ја откриеме неговата позадина, изјави таа за Би-Би-Си.

Полицијата, според неа, претресла повеќе различни места во источен Лондон.

Од полицијата прецизираа утринава дека биле претресени две адреси во источниот дел на Лондон – еден во Нјухем и друг во Баркинг.

Железничката станица и метростаницата на Лондон бриџ повторно работи  од утринава, откако полициските блокади во реонот биле кренати порано од очекуваното.

Мостот и околните патишта исто така беа отворени.

Во меѓувреме идентитетот на првата жртва на нападот беше откриен – тоа е Канаѓанка Криси Арчибалд . Таа работела во засолништа за бездомници во Канада, додека не се пресели во Европа, за да биде заедно со нејзиниот вереник.

36 повредени  и се наоѓаат  и натаму во лондонски болници со различни повреди, од кои  21 од нив се во критична состојба.

Четворица полицајци кои се обиделе да го запрат нападот, исто така се меѓу повредените,  а двајца од нив сериозно.

Австралискиот премиер Малком Турнбул потврди дека четворица Австралијци се повредени во нападот.

Еден Французин е убиен и седум други се повредени , вклучително и четворица со сериозни повреди, прецизира францускиот министер за надворешни работи Жан-Ив Ле Дриан. Еден Французин е прогласен за исчезнат.

Британскиот премиер Тереза ​​Меј  ја раководи седница на владината комисија за вонредни ситуации “Кобра”  која започна утринава.