Полска ќе одвои дополнителни 50 милиони злоти (околу 13,5 милиони долари) за поддршка на независниte медиуми и невладини организации во Белорусија, изјави портпаролот на полската влада Михал Дворчик.
„Полска е лидер многу години кога станува збор за поддршка на независни заедници во Белорусија. Ние издвоивме значајни средства за таа намена“, рече Дворчик, додавајќи дека минатата година таа сума изнесувала околу 150 милиони злоти (повеќе од 40 милиони долари).
„Имајќи ја предвид вонредната состојба, Премиерот одлучи да издвои дополнителни 50 милиони злоти за поддршка на медиумите, поддршка на невладини организации, како и за поддршка на репресираните“, додаде тој.
Дворџик прецизираше дека во рамките на ова финансирање, Полска ќе ја прошири и програмата за стипендии за студенти и научници.
Протестите што започнаа по претседателските избори што се одржаа на 9 август во тек се една недела во Белорусија. Според Централната изборна комисија, актуелниот претседател Александар Лукашенко победи на изборите со 80,08 проценти од гласовите. На второ место е кандидатот Светлана Тихановскаја со 10 отсто.
Вечерта во истиот ден, граѓаните незадоволни од организацијата и резултатите од гласањето излегоа на улиците. За време на протестот беа приведени околу седум илјади демонстранти, а неколку стотици луѓе беа хоспитализирани, вклучително и припадници на полицијата.