Финансирањето на Старлинк за Украина ќе продолжи, порача денеска кабинетот на претседателот на Полска, Карол Навроцки, откако првиот човек на полската држава беше обвинет од министерот за дигитализација дека со вето на закон ќе ја остави Украина без сателитскиот интернет од Старлинк, а со тоа практично и ќе ја блокира украинската армија.
Збигнев Богуски, шефот на кабинетот на Претседателот на Полска, нагласи дека ветото на Карол Навроцки за законот за помош на Украинците на ниту еден начин нема да влијае врз плаќањето за Старлинк за Украина. Според кабинетот на Навроцки, сателитскиот интернет се финансира врз основа на важечки закон и претседателското вето не ги опфаќа постоечките закони.
Со тоа Богуски влезе во директно демантирање на тврдењата на министерот за дигитализација Кжиштоф Гавковски кои тврдеше дека се сопира финансирањето на сателитскиот интернет од глобалната компанијата на Илон Маск за Украина.
Богуски вели дека ваквите изјави ѝ одговараат само на руската пропаганда и ја разгоруваат недовербата меѓу Полјаците и Украинците.
Полска плаќа приближно 50 милиони долари на Старлинк за сателитски интернет за Украина, преку кој течат огромен дел од комуникациите на украинските одбранбени сили.