Попладне невреме со пороен дожд и силен ветер од над 60 километри на час

Управа за хидрометеоролошки работи за попладне најавува нестабилно време на повеќе места проследено со пороен дожд и грмежи.

„Локално ќе има невреме со интензивен пороен дожд, силен ветер од над 60 километри на час и појава на град“, предупредува УХМР.

Температурата ќе се движи во интервал од 26 до 37 степени.

Во делови од Скопје попладне се очекува нестабилно време со интензивен пороен дожд, грмежи, силен ветер и појава на град.

Слично време не очекува и утре, со тоа што врнежите во попладневните часови ќе престануваат. Но, силниот ветер ќе продолжи и во текот на утрешниот ден како и во петок.