Одлуката на судот во Загреб старателството над Александар да го додели на Милан Поповиќ силно ја повреди Северина, но очигледно е дека таткото на детето е задоволен со оваа пресуда.
„Александар ќе продолжи да оди во училиште во Загреб, не кажувам во кое, бидејќи тоа е веќе навлегување во приватноста на малолетно дете“, изјавил тој, на што додал:
„Конечно ќе продолжи да оди во училиште, а не по концерти. Изгубил доста од наставата, па ќе мора да платам дополнителни часови за да надомести за изгубениот материјал.“
Наводно, Поповиќ купил нова куќа во која има соба за Александар, а своите професионални обврски ги организирал така што ќе може повеќе време да поминува со него и другите двајца синови од другиот брак.
„Нема да дозволам дадилки и баби и дедовци да се грижат за син ми, тоа треба да го прават родителите“, изјавил Поповиќ.