Студеното време во Пјонгчанг предизвика дизајнерите од „Ралф Лорен“ да внесат лесни греачи во официјалната опрема на американските атлетичари. Греачите ќе можат да се полнат од сонцето и да обезбедат топлина за спортистите најмалку пет часа. Уреди за загревање Американците исто така ќе имаат и во ракавиците.
Општо земено, ладното време е главниот проблем за сите гости во Пјонгчанг. Температурите ретко одат над 0 Целзиусови степени, при што ветерот дава чувство на уште поголема студ.
Метеоролозите очекуваат дека за време на првите ски скокови кои започнуваат во 20:40 по локално време, спортистите при летот ќе почувствуваат околу -29 степени.
Според показателот „студ“, Пјонгчанг е во топ 4 на Зимските олимписки игри. Лилехамер е на чело со просечна температура од -11 степени.
Се очекува на официјалното отворање во петок да биде околу -7 степени, но поради ветрот чувството ќе биде како да е -15. Поради оваа причина, гостите на церемонијата ќе добијат специјално направени за случајот кебиња.