Поранешниот командант на НАТО ја доведе во прашање брзината со која западните земји ја вооружуваат Украина – и изјави дека поради таквата „ургентност“ на Западот, војната во Украина може да трае со години.
Поранешниот заменик врховен командант на сојузничките сили на НАТО, Сер Ричард Ширеф, во изјава за „Скај њуз“ вели: „Ако Британците или другите западноевропски земји и Америка ѝ дадоа оружје на Украина пред една година, кога тоа беше потребно и итно, немаше да зборуваме за ова денес. Резултатот, се разбира, е дека украинската контраофанзива, кога ќе дојде, ќе бара силен напор за да се постигне посакуваниот успех. И се сомневам дека ќе го постигне тој успех веднаш во првата офанзива, веројатно ќе видиме големи напади во месеците и годините кои доаѓаат“.
President @ZelenskyyUa says he could beat Russia by the end of this year.
What does Sir Richard Shirreff, former Deputy Supreme Allied Commander of NATO think about that?#KayBurley FC pic.twitter.com/TKCX5HlmMi
— Kay Burley (@KayBurley) May 15, 2023
Ширеф ги коментираше и тврдењата на Володимир Зеленски дека Украина ќе ја победи Русија до крајот на оваа година.
„Би сакал да биде така. Тоа би било брилијантно. Но војувањето не е едноставно, работите никогаш не одат според планот и морате да бидете подготвени на најлошото сценарио. Мора да бидеме подготвени за низа украински офанзиви што ќе бара значителна логистика, обука и поддршка од Западот за конечно да го постигнеме она што сакаме да го направиме“, заклучи тој.