Поранешен лекар од Белата куќа загрижен за здравствената состојба на Бајден: „Нешто не е во ред“

Поранешниот личен лекар на тројцата американски претседатели, Рони Џексон, забележа знаци на сериозна загриженост од однесувањето на американскиот претседател Џо Бајден.

„Работев како лекар во Белата куќа за време на тројца претседатели. Видов што е потребно физички и психички за извршување на работата. Во моментов можам да ви кажам дека начинот на кој Бајден се крие од јавноста е големо црвено знаме. Нешто не е во ред“, напиша тој на Твитер.

Здравјето на американскиот претседател е тема уште од почетокот на изборната кампања, а тоа е особено актуелно по бројните лапсуси во изминатите неколку недели и неодамнешниот пад на американскиот претседател.

I served as White House physician under THREE Presidents. I’ve seen what it takes physically AND mentally to do the job. I can tell you right now that the way Biden is hiding from the public is a MAJOR red flag. Something’s not right!

— Ronny Jackson (@RonnyJacksonTX) March 21, 2021