Ричард Хопкинс, поранешен пријател на познатиот возач на Формула 1, седумкратниот шампион Михаел Шумахер, го загрижи целиот свет, а неговите зборови одекнуваа низ целата планета.
Тој истакна дека се плаши од најлошото кога станува збор за Михаел Шумахер бидејќи нема информации за него, ниту пак Михаел, човек кој освои пет титули во Формула 1 по ред, може да се види во јавноста…
„Се плашам од најлошото кога станува збор за мојот драг пријател Михаел. Само да можевме да знаеме повеќе за него“, рече Хопкинс во интервју за The Sun.
„Штета е и би сакал сите да знаеме малку повеќе за здравјето на Михаел Шумахер, да видиме како е. Ја разбирам тајноста, за нив е многу приватна. Како што велеше Михаел – приватното си е приватно. Но, опасноста, секако, е што сите правиме претпоставки за тоа како е тој и веројатно ниту една од нашите претпоставки не е точна“, рече Ричард Хопкинс, додавајќи:
„Правиме претпоставки кои веројатно се полоши и помрачни од неговото здравје, а потоа многумина од нас гледаат на светлата страна и се надеваат дека е многу подобро отколку што е всушност, а можеби и не е. Неодамна видов приказна за него како потпишува кацига и имаше ракопис на неа. Сите би сакале да веруваме дека извадил пенкало и го потпишал, но сигурно имало некаква помош со тоа. Би сакал да имаме подобра идеја, не само јас, туку сите ние во моторните трки. Тажно е затоа што дури и пораката „продолжи да се бориш“ е некако заборавена. Тоа е животот и сите продолжуваме понатаму. Многу е тажно што едноставно не знаеме ништо за него и не слушаме од него, оние од нас кои го познававме и бевме добри кон него. Жално е што не присуствува на трки, ниту пак се појавува јавно. Тој беше неверојатен човек, извонреден карактер и неверојатно успешен.“