Кристијано Роналдо остави неизбришлив белег за време на неговите девет години во Реал Мадрид, каде што дојде од Манчестер Јунајтед во 2009 година.
Португалската суперѕвезда освои бројни трофеи, вклучувајќи четири Лиги на шампиони, и влезе во историјата како најдобар стрелец на клубот на сите времиња. Но, покрај неговите подвизи на теренот, поранешниот голман на Реал, Кико Касиља, откри уште една, помалку позната страна на еден од најголемите фудбалери на сите времиња.
Зборувајќи во емисијата „The After Show“ на „Post United“, Касиља ги сподели своите впечатоци од соблекувалната и откри дека Роналдо бил неверојатно дарежлив, не само кон своите соиграчи, туку и кон персоналот на клубот.
„Тој е феномен, натчовечка личност која му помага дури и на последното дете кое поминува низ младинскиот систем“, рече Касиља.
„Прашајте го што било и тој ќе ви го даде. Најдобар пример за неговата дарежливост беше за време на претсезонските подготовки во Соединетите Држави.
Таму, се присети Касиља, Роналдо им купил на сите вработени – од физиотерапевти до обезбедувачи – најнови iPhone телефони и Apple Watch уреди.
„Тој никогаш не ги истакнува таквите работи затоа што не мисли дека треба да се истакнуваат. Се колнам, навистина го правеше тоа. И дури и не зборувавме за тоа. Тој само сака да им се заблагодари на луѓето околу него“, додаде поранешниот голман на Реал Мадрид.
И додека многумина сакаат да го нарекуваат арогантен или себичен, сведоштвата на Касиља откриваат друга страна на Кристијано Роналдо – личност која го цени трудот и лојалноста на луѓето околу него.
И навистина е тешко да се зборува за неговата витрина со трофеи без суперлативи. Со Манчестер Јунајтед, тој освои три титули во англискиот шампионат, ФА Купот, Лигата на шампионите, два Лига купа, два Комјунити шилдс и Светското клупско првенство. Во дресот на Реал Мадрид, тој додаде четири Лиги на шампиони, две Ла Лига, два Купа дел Реј, два Суперкупа на Шпанија, три Суперкупа на УЕФА и три Светски клупски првенства.
Во Јувентус, тој освои две титули во Серија А, еден Куп на Италија и два Суперкупа на Италија. По пристигнувањето во Саудиска Арабија, тој веќе го имаше освоено Купот на шампиони на арапските клубови со Ал-Наср, а со португалската репрезентација остави историски белег со освојувањето на Евро 2016 и Лигата на нации во 2019 година.
Поединечно, Роналдо ја освои Златната топка пет пати, Златната копачка четири пати, седум пати беше најдобар стрелец во Лигата на шампионите и, со повеќе од 930 постигнати голови, е најефикасниот фудбалер во историјата на репрезентативниот фудбал.
Тој е опседнат со напредок, дисциплина и работа на себе – од исхрана, тренинг до регенерација и сон. Но, тој не е само спортист, туку и голем хуманитарец кој донирал милиони на болници, сиромашни и деца во текот на целата своја кариера, честопати без никој никогаш да знае за тоа.