Поранешната единица на Англија и Манчестер Сити, Џо Харт, кој сè уште бара клуб, пријатно изненади многу навивачи со своето извајано тело. Тој се пофали на својот Инстаграм и испрати мотивациска порака за време на тешкиот период од неговата кариера.
„Сè што можам да направам во овој момент е да го натерам човекот во огледалото да работи уште посилно“, напиша Харт, откако постираше неколку фотографии од салата.
Иако тој оствари 266 настапи за Манчестер Сити и 75 за Англија, Харт беше на позајмица од Манчестер Сити во различни клубови во последните сезони, а потоа го продаде на Барнли кој реши да не го обнови неговиот договор кој истече во јуни.
Харт во моментов е без клуб и без реални понуди, што е навистина изненадувачки за многу добар 33-годишен голман, за кој сепак е познато дека е склон на грешки. На крајот на краиштата, тоа го чинеше место во Сити и Англија.
Кога веќе не може со одбрани, Харт го привлече вниманието на јавноста со интригантни фотографии на профилите на неговите социјални мрежи …