Поранешниот претседател на Украина бара од САД оружје со долг дострел

Поранешниот претседател на Украина, Петро Порошенко, ги повика Соединетите Американски Држави да им обезбедат оружје со долг дострел, со цел, како што рече, „да ги уништат руските магацини и командни центри на земјата агресор“.

Порошенко, исто така, истакна дека на Украина ѝ се потребни воздушни одбранбени и борбени авиони за заштита на цивилните објекти од клучната инфраструктура.

„Оружјето никогаш не е доволно. Ние го разбираме тоа и ситуацијата се подобрува чекор по чекор. Се надеваме дека наскоро ќе имаме американска противвоздушна одбрана. Сега треба да го имаме сето тоа не само на првите борбени линии, туку и за да се затвори небото над клучните енергетски инфраструктурни објекти низ целата земја“, изјави Порошенко за Си-Ен-Ен.