132
Владиниот портпарол Душко Арсовски повеќе нема да биде владин портпарол. Ова денеска го најави премиерот Димитар Ковачевски на владината прес-конференција.
-Сакам да му се заблагодарам од мое име и името на Владата на портпаролот Арсовски за досегашната работа. Тој денес го завршува својот ангажман како портпарол на негово барање и ќе продолжи со друг предизвик во својата професионална кариера. Тој беше дел од процесот во кој што Владата беше оценета како најтранспарентна со 100% транспарентност, рече Ковачевски.
Арсовски им се заблагодари на медиумите за соработката и на Владата за довербата.
На крајот од прес-конференцијата, Арсовски доби аплауз од присутните новинари.