Голманот на Португалија, Диого Коста ја доби наградата за најдобар играч на натпреварот против Словенија. Тој стана третиот голман кој ја освоил оваа награда на овогодинешното Евро.
Дваесет и четиригодишниот Коста одбрани три пенали против Словенија, што е рекорд на сите времиња на ЕП, а претходно имаше одлична одбрана по ударот на Бенјамин Шешко во продолжението.
Пред Коста наградите за најдобар играч на турнирот во Германија ги добија Грузиецот Ѓорѓи Мамардашвили во ремито (1:1) против Чешка, а Полјакот Лукаш Скорупски, во ремито (1:1) против Франција.
„Мислам дека ова беше мечот на мојот живот“, изјави Коста пред новинарите.
Инаку, голмани на ЕП, кои одиграа четири натпревари и имаа најмалку одбрани, беа Коста и Швајцарецот Јан Зомер. Запреа по шест истрели. Германскиот голман Мануел Нојер има уште една одбрана.
Мамардашвили (23) е на врвот, далеку над останатите голмани на турнирот по одбранети удари. Запре дури 29 шута во четири натпревари. Грузија дозволи дури 106 обиди кон голот, па затоа Мамардашвили заслужува голема заслуга, бидејќи прими само осум гола.
Италијанецот Џанлуиџи Донарума, Коен Кастелс од Белгија и Јан Облак од Словенија одбранија 14 удари и исто така беа елиминирани од турнирот.