9
Грчките пензионери добиваат 250 евра помош. Мерката е наменета за граѓани кои се во финансиски тешкотии, а тоа се главно пензионери во Грција.
Овој износ ќе се исплаќа секоја година во ноември, потврди Министерството за финансии. Лицата над 65 години кои имаат годишен приход помал од 12 илјади евра за едночлено домаќинство и до 26 илјади евра за семејство се сметаат за подобни за помош.
Без да се процени годишниот приход, 250 евра добиваат и лица со ниски социјални пензии, пензионери за инвалидитет и родители-хранители на деца со здравствени проблеми.
Според опозицијата, оваа помош не ги решава проблемите на сиромашните пензионери во Грција и бара нагло зголемување на пензиите.