Кошаркарскиот свет најостро го осудува нападот на хулиганите врз судиите Луиџи Ламоника и неговите колеги Дамир Јавор, Емин Мулкоч и Никос Пицилкас, по натпреварот Панатинаикос – Барселона во Атина. Непознатите хулигани, за кои се верува дека се приврзаници на Атињаните, ги нападнале судиите, кои биле во такси на патот кон хотелот.
За среќа, судиите минаа без посериозни повреди, но овој напад го активира во Евролигата, што сега се заканува со сериозни санкции кон грчките клубови, вклучително и играње натпревари надвор од матичната земја.
Ваквото сценарио сега се разгледува на врвот на организацијата, бидејќи грчките власти јасно не можат да ја гарантираат безбедноста на играчите на меѓународни натпревари.
– Ваков напад на судии не е регистриран во 20-годишната историја на натпреварувањето, но доколку се повтори на територијата на Грција, ќе биде јасен показател дека повеќе нема безбедносни услови за гостинските тимови, судиите и другите играчи вклучени во организацијата на натпреварите. Доколку се случи ваков инцидент, Евролига веднаш ќе ги дислоцира натпреваротите од Грција, вклучувајќи ги натпреварите во Еврокупот и јуниорскиот турнир – се вели во соопштението на Евролигата.