Времето денеска ќе биде претежно облачно со повремени врнежи од дожд особено во западните и северните делови од земјата, информираат од УХМР.
Ќе дува слаб до умерен ветер од југоисточен правец, кој долж Повардарието повремено ќе засилува.
Утринските температури се движат од 5 до 10 степени, додека максималните дневни ќе бидат во интервалот од 10 до 17 Целзиусови степени.
Во Скопје променливо облачно со повремен дожд. Ќе дува умерен ветер од југоисточен правец.
Минималната температура ќе се спушти до 10, а максималната ќе достигне 16 степени.
Според УХМР, во петок и сабота ќе биде посончево, а во петок попладне ќе има изолирана појава на пороен дожд и грмежи. Од недела повторно се очекува променливо облачно време, на места со повремени врнежи дожд. Ќе дува умерен, долж Повардарието повремено засилен ветер од југоисточен правец.