Богатството на Кочо Анѓушев тежи скоро 30 милиони евра. Вицепремиерот за економски прашања, денеска јавно го обелодени својот анкетен лист.
Семејството Анѓушеви поседуваат станови во Скопје и Белград и куќа на Халкидики во Грција која има вредност од 250.000 евра.
Од недвижниот имот во Скопје, поседуваат една куќа и пет станови во центарот на Скопје.
На име на Анѓушев се две луксузни возила – марка „масерати“ и „порше“ во вкупна вредност од 120.000 евра.
Во негова сопственост се уметнички слики и скулптури, дваесет на број во вредност од 105.000 евра, четири рачни часовници од брендовите „ролекс“, „омега“ и „картие“, златен накит и моторен чамец.
Сепак целта на денешното обелоденување не беше да се соопшти колку тежи туку Анѓушев кажа дека сака да покаже дека не крие ништо и се гордее со тоа што сам го спечалил, и во Владат не е заради пари туку има намера неговата вицепремиерска плата, од 81.000 денари да ја донира за сиромашни семејства и стипендирање студенти. Транспарентност е неговата цел во сите зделки и се во функција на напредок на македонската економија , поради што најавува редовни директни средби со новинарите.
Анѓушев најави сериозна прогресивна економија, транспарентоност, предност и мобилизација за домашното стопанство и фирми и расчистување со досегашните практики на криминални и штетни договори и тајност со странските инвеститори, и нови можност во енергетиката која не крие дека ја знае и разбира.