Потврден првиот смртен случај од мајмунски сипаници во Лос Анџелес

Канцеларијата за јавно здравје во Лос Анџелес денеска го потврди првиот смртен случај од мајмунски сипаници во областа, повикувајќи се на лице со многу слаб имунитет кое било хоспитализирано.

Тоа е втор регистриран смртен случај од мајмунски сипаници во САД, објави „Ројтерс“.

Мајмунските сипаници ретко предизвикуваат смрт, но луѓето со слаб имунитет може сериозно да се разболат или дури и да умрат, наведуваат здравствените власти.