159
Помошникот на селекторот на Аргентина, Валтер Самуел, потврди дека напаѓачот Лионел Меси ќе го пропушти натпреварот од групата А на Копа Америка против Перу.
„Лео имаше проблеми на последниот натпревар и нема да игра на претстојниот натпревар против Перу“, изјави Самуел. „Ќе ја следиме неговата состојба и ќе процениме како се развива“, додаде тој, цитиран од ESPN.
По натпреварот против Чиле, Меси призна дека чувствува непријатност во тетивата.
По две кола, Аргентина освои 6 бода во групата А и обезбеди пласман во елиминациите.
Натпреварот меѓу Аргентина и Перу ќе се одигра на 30 јуни.