285
Спасувачките екипи пронајдоа тела на 52 работници во петокот откако пожар зафати фабрика за преработка на храна во близина на Дака, главниот град на Бангладеш, соопштија официјални лица и пожарникари.
На пожарникарите им требало речиси 20 часа за да го изгаснат пожарот што избувна во четвртокот попладне во шесткатната фабрика Hashem Food and Beverage Limited сопственост на Групацијата Сајеб, изјави пожарникарот Абдулах Ал Арефин.
Арефин рече дека телата на 52 работници биле пронајдени на четвртиот кат во зградата. Петтиот и шестиот кат сè уште треба да се пребаруваат, додаде тој.
Фабриката се наоѓа на 25 километри источно од Дака и произведува сокови, безалкохолни пијалоци и други прехранбени производи.