Околу 150 членови на екстремно десничарската група „La Familia“, која го поддржува фудбалскиот тим Беитар Ерусалим и има историја на расизам и насилство, упаднаа во израелската болница во Ашкелон, како и во медицинскиот центар Тел Хашомер во Тел Авив, откако дознаа дека таму се лекуваат ранети членови на Хамас.
Најмалку тројца терористи на Хамас се лекуваат во израелските болници, објави во средата израелскиот сајт Ynet, како што пренесе телевизијата i24NEWS. Токму тоа беше причината за реакцијата на навивачите.
Hamas terrorists are being treated in Israeli hospitals
'I think that really show the humanity behind this war. That Israeli citizens, Israeli medics, Israeli volunteers continue to save all lives, no matter where they're coming from' our @nicole_Zedek reports live from Barzilai… pic.twitter.com/QFKuMFm6Qq
— i24NEWS English (@i24NEWS_EN) October 11, 2023
Официјални лица во медицинскиот центар Барзилај во Ашкелон рекоа дека биле принудени да ги примат и побарале од властите да ги префрлат во затворен воен објект. Плашејќи се од линч, министерот за здравство нареди болничкото обезбедување да ги заштити вработените и да се подготви за можни немири на Израелците кои бараат одмазда.
Во исто време, министерот за здравство Моше Арбел побара од премиерот Бенјамин Нетанјаху да престане да прима терористи во државните болници.
„Известени сме за приемот на терористи во болниците во Израел и можноста тоа да предизвика немири. На болниците им треба итно засилување за да се избегнат немири“, изјави Арбел.
Во средата вечерта, членовите на „La Familia“ се обиделе да нападнат еден од терористите кој бил примен во болницата Тел Хашомер во Тел Авив.
Video shows La Familia have entered Tel Hashomer hospital in order to remove the Arab terrorist being treated there. pic.twitter.com/hWmTMorM0N
— The Israel Link (@TheIsraelink) October 11, 2023
Најмалку 1.200 луѓе се убиени, а повеќе од 3.000 се повредени во Израел од почетокот на терористичките напади во саботата. Бројки кои би можеле да продолжат да растат, со оглед на континуираните напади на Хамас и Хезболах на израелска територија.