Фудбалерите на Саутемптон успеаја да се вратат во Премиер лигата.
Тие денеска на Вембли, во финалето од плеј-офот на Чемпионшипот го победија Лидс со минимален резултат 1:0.
Единствениот гол на натпреварот го постигна Адам Армстронг во 24. минута и донесе големо славје на своите навивачи, но и огромна сума на пари за клубот, бидејќи тимот што ќе се пласира во Премиер лигата е предвидено да добие премија од 200.000.000 евра.
Финалето е познато како „најскапиот натпревар во светот“ поради големите пари што победникот ги добива од наградите и ТВ правата за преносите како дел од најквалитетната англиска фудбалска лига.
🚨🚨| GOAL: ARMSTRONG SCORES THE OPENER!!
Leeds 0-1 Southampton
— Transfer Sector (@TransferSector) May 26, 2024
Колку за потсетување, Лестер и Ипсвич веќе изборија директен пласман во Премиер лигата, додека од неа испаднаа Лутон, Барнли и Шефилд Јунајтед.