Времето денеска ќе биде сончево и топло, попладне со мала до умерена локална облачност. Ќе дува слаб до умерен ветер од северозападен правец.
Минималната температура ќе биде во интервал од 11 до 19, а максималната ќе достигне од 31 до 37 степени. UV=8
Во Скопје сончево и топло со слаб до умерен ветер од северозападен правец. Минималната температура ќе се спушти до 17, а максималната ќе достигне до 36 степени.
Во четврток и петок ќе има локална појава на пороен дожд, грмежи и засилен ветер. За време на викендот ќе преовладува сончево време, но ќе дува умерен, повремено засилен северен ветер. Температурата ќе биде во покачување.
Топлотниот африкански бран во следните денови ќе зема замав во Македонија и во регионот. Токму ова, особено за време на викендот ќе предизвика повторно да имаме екстремно топло време кога во централните и во југоисточните предели од Македонија, како и во скопската котлина очекуваме температури и до 40, 41 степен.