Пожар ја зафати Ајфеловата кула, во тек е евакуација

Во тек е евакуација на Ајфеловата кула во Париз по извештаите за пожар што ја зафати оваа позната туристичка атракција во француската престолнина.

Службите за итни случаи се на терен, а граѓаните и присутните туристи се евакуирани за да се осигура нивната безбедност, пренесе Newsweek.

Француската полиција за локалните медиуми изјави дека пламенот бил забележан во окното на лифтот помеѓу првиот и вториот кат.

Засега нема официјални информации за причината за пожарот или за евентуални повредени, додека противпожарните бригади интензивно работат на санирање на состојбата.