Пожар во хотел во Прага: Евакуирани 800 луѓе

Пожарникарите во Прага синоќа морале да интервенираат во хотелот Панорама, кој се наоѓа во областа Прага 4, каде избувнал пожар, а 800 луѓе биле евакуирани.

Како што соопштија од противпожарната и спасувачката служба, пожарот брзо бил изгаснат, а опожарена е вреќа за ѓубре. Инцидентот се случил околу 23:30 часот, а по гаснењето на пожарот пожарникарите извршиле проверка и на подземниот контејнер за смет. По проветрувањето на зачадените соби од хотелот, гостите се вратија во своите соби.

На местото на настанот излегле спасувачите со специјални возила на Брзата помош „Феникс“, кои ги користат пред се за евакуација и масовен транспорт на луѓе. За среќа во пожарот нема повредени.